Sedes

Sede Fundación Caixa Galicia (A Coruña)

Enderezo:
Cantón Grande 21- 24

15003 A CORUÑA

Teléfono:  981 18 50 60

Horario do edificio

9.00h a 21.00h. Luns a domingo, festivos incluidos

Horario de exposicións

12.00h a 14.00h e de 16.00h a 21.00h de luns a venres

12.00h a 21.00h sábados, domingos e festivos

O edificio da nosa sede na Coruña, un proxecto do arquitecto británico Nicholas Grimshaw, achega unha obra vangardista ao patrimonio arquitectónico da cidade e de Galicia e completa a fisonomía do Cantón Grande ao permitir, grazas a un enorme corredor interior, que o edificio funcione como vía de conexión entre a rúa da Estrella e os Cantones.

O deseño da fachada, expresión máxima da combinación de dous materiais: o pétreo, de gran tradición na arquitectura galega e o metálico, aseméllase á crista dunha ola mariña internándose nos Cantóns e rompendo nunha fachada de cristal retroiluminada, o que supón unha reinterpretación das características galerías da Marina.

Ao mesmo tempo, o edificio, xa coñecido como a ola de cristal, respecta un dos elementos identificativos das nosas sedes, que non é outro que a aposta pola luz natural a través dun corte cenital.

Concibido como centro cultural de referencia, nos seus 7.692 metros cadrados, distribuídos en doce andares, ubícase un salón de actos equipado cos últimos avances tecnolóxicos nos sotos do edificio, catro salas de exposicións distribuídas en distintas plantas e dotadas dun sistema de información baseado na tecnoloxía bluetooth, unha sala de escultura, a sala de prensa e outros espazos dedicados a obradoiros.

Cómo chegar?