A Compañía de Blanca Marsillach e Elise Varela percorren Galicia no mes de marzo para presentar o seu novo espectáculo Buscando a Hilary. Blanca Marsillach, encarnando á avogada de éxito que busca unha saída á súa vida, xunto a Miguel Foronda e Fran Sariego, interpretan esta peza escrita por Elise Varela na que a protagonista vive un proceso de desencantamento da súa realidade diaria. A loita contra o propio ego e a volta á cordura relátanse na obra, dirixida por Esteve Ferrer, de modo imaxinativo e actual a través do personaxe de Wilpuck, que representa o ego. Cinismo en estado puro nesta comedia que saca ferro ao desdobramento do eu de xeito xenuíno.

Podes vela en…

Lugo, o 8 de marzo
A Coruña, o 9 de marzo
Compostela, o 10 de marzo 
Verín, o 11 de marzo 
Ortigueira, o 13 de marzo 
Ribadumia, o 14 de marzo
Vilalba, o 15 de marzo